നശിക്കാത്ത ഒരു മോതിരം

” ഞാൻ നാളെ മുതൽ ഒരു തുണിക്കടയിൽ ജോലിക്ക് പോയാലോ എന്ന് ആലോചിക്കുവാ ?”

” അത് എന്താടി ? എന്റെ മുഖം മാത്രം കണ്ട് നീ മടുത്തോ ? ”

“അത് അല്ല ഏട്ടാ , വെറുതെ ഇരുന്നു മടുത്തു , ഇത് നമ്മുടെ അടുത്ത വീട്ടിലെ മനു പറഞ്ഞതാണ് , വെറുതെ അവിടെ ചെന്ന് ഇരുന്നാൽ മതി ,
അധികം തിരക്കൊന്നുമില്ലാത്ത കടയാണ് ”

“എന്നാലും ഈ 60 ആം വയസിൽ നിനക്ക് ഇത് വേണോ ജാനു ? ”

” ഏട്ടൻ സമ്മതിച്ചാൽ മാത്രം …”

“”മ്മ് , നിന്റെ ഇഷ്ടം , ജീവിതത്തിൽ ഏറിയ പങ്കും നിന്നെ ഒറ്റക്കാക്കിട്ട് ആണ് , ഞാൻ ജോലിക്ക് പൊക്കോണ്ടിരുന്നത് ,
ഒരു പരാതിയും ഇല്ലാതെ നീ എല്ലാംസഹിച്ചില്ലേ ? നിന്റെ ആഗ്രഹങ്ങൾ ഒന്നും തന്നെ ഞാൻ ചോദിച്ചിട്ടില്ല ,
ഒരു അഭിപ്രായവും നീ പറഞ്ഞിട്ടുമില്ല , ആദ്യമായിട്ടെങ്കിലും നിന്റെ ഇഷ്ടം നടക്കട്ടെ ,
ഞാൻ ഇവിടെ പകൽ സമയം വായനയിൽ ചിലവഴിച്ചോളാം , നീ പോയി വരൂ ”

അയാളെ അവൾ നിറകണ്ണുകളോടെ ചുംബനങ്ങളാൽ മൂടി , വിവാഹം കഴിഞ്ഞ 35 വർഷം കഴിഞ്ഞേകിലും , ഇത്രെയും
സ്‌നേഹം അയാളും അവളിൽ നിന്ന് ആദ്യമായിട്ടാണ് അനുഭവിച്ചത് …

മക്കൾ ആദ്യം എതിർപ്പ് പ്രകടിപ്പിച്ചെങ്കിലും അവർ സമ്മതിച്ചു ..മൂന്ന് മക്കളും അടുത്ത അടുത്തുണ്ടെകിലും
എല്ലാരും വേറെ വീട്ടിലായി ഓരോ തിരക്കുകളിലാണ് .

ഒരു ജീവിതം മുഴുവനും മക്കൾക്കും ഭർത്താവിനുമായി ജീവിച്ച ഒരു സ്ത്രീയുടെ ആഗ്രഹം …അവർ എല്ലാം സമ്മതിച്ചു .

——————-

ജോലി കഴിഞ്ഞ അവർ അത്യുത്സാഹത്തോടെയാണ് വന്നത് , “എനിക്ക് 6000 രൂപ ശമ്പളം തരാം എന്ന് പറഞ്ഞു അവർ “.

“ഹഹ , നീ ആ പൈസ കൊണ്ട് എന്ത് ചെയ്യും ?

” അത് ഒരു സസ്പെൻസ് ആണ് ഏട്ടാ ”

” എനിക്ക് ഒരു മോതിരം മേടിച്ചു തരുമോ , സ്വർണ്ണം ഒന്നും വേണ്ട , വേറെ ഏതെങ്കിലും ലോഹത്തിൽ ചെറിയ ഒരെണ്ണം ? ”

” കൊള്ളാലോ , കിളവന്റെ ആഗ്രഹം , അതെ എനിക്ക് ഒരു നല്ല സാരീ മേടിക്കണം , മോതിരമൊക്കെ മക്കളോട് പറ മേടിച്ച് തരാൻ ”

” ഓ , എനിക്ക് നിന്റെ കയ്യിൽ നിന്ന് മേടിക്കാൻ ഒരു ആഗ്രഹം ”

” ആ എന്ന അടുത്ത മാസം വല്ലോം ആവട്ടെ ,

അവൾ എന്തെന്നില്ലാത്ത സന്തോഷത്തിലും ആത്മസംതൃപ്തിയിലും എന്നും ജോലിക്ക് പൊക്കോണ്ടിരുന്നു .

നാളിത്രയും ഇല്ലാത്ത സന്തോഷത്തിൽ അവൾ നടന്നു , അയാളും അത് കണ്ട് സന്തോഷിച്ചു .

—————————————————

” എന്നെ നീ ഒന്ന് ആശുപത്രിയിൽ കൊണ്ട് പോകുമോ ജാനു ? ”

” എന്ത് പറ്റി ? ”

” നെഞ്ചിൽ ഒരു വേദന , ഗ്യാസ് ആണ് എന്ന് തോനുന്നു , നമ്മുക് നാളെ ഒന്ന് പോയാലോ ? മക്കളെ ഒന്നും ബുദ്ധിമുട്ടിക്കേണ്ട ”

” ആം , നാളെ എനിക്ക് ശമ്പളം കിട്ടുന്ന ദിവസമല്ലേ , ഞാൻ ഏട്ടനെ ഹോസ്പിറ്റലിൽ കാണിച്ച
അത് വഴി നമ്മുക് കടയിൽ പോകാം , എന്നിട്ട് ഒരുമിച്ച് മേടിക്കാം .”

” ഹഹ , ലക്ഷങ്ങൾ അല്ലെ .. ഒന്ന് പോടീ ”

” എനിക്ക് അത് ലക്ഷങ്ങൾ ആണ് ഏട്ടാ , ഈ 60 വയസിനിടെക്ക് ആദ്യമായി ഞാൻ അധ്വാനിച്ച എന്റെ ക്യാഷ് …”

” ഞാൻ ചുമ്മാ പറഞ്ഞതല്ലേ , നമ്മുക് ഒരുമിച്ച് പോയി മേടിക്കാം ”

അയാൾ അവളെ ചേർത്ത് പിടിച്ചു ,

——————-

” പരിശോധിച്ചിട്ട് കുഴപ്പം ഒന്നുമില്ല , എന്നാലും നമ്മുക്ക് ഇന്ന് ഇവിടെ ഒന്ന് കിടക്കാം , ഒന്ന് രണ്ട് കാര്യങ്ങൾ കൂടി നോക്കാൻ ഉണ്ട് ”

ഇത്രെയും പറഞ്ഞ ഡോക്ടർ പോയി .

” അല്ലെങ്കിലും ഈ ഡോക്ടർമാർ ഇങ്ങനെയാണ് , വെറുതെ പിടിച്ച് കിടത്തും ”

” സാരമില്ല ഏട്ടാ , ഞാൻ നമ്മുടെ മോനെ വിളിക്കാം , അവൻ വന്നു നിക്കട്ടെ , ഞാൻ വീട്ടിൽ പോയി തുണി എടുക്കാം ,
കൂട്ടത്തിൽ ശമ്പളവും മേടിക്കും കേട്ടോ ”

” നീ പോയി വരൂ ജാനു , അവനെ വിളിച്ച ഇവിടെ നിർത്തിയ മതി , ”

————-

വൈകുന്നേരത്തിനുള്ള ഭക്ഷണവും തുണിയുമായി അവൾ എത്തി

” ആഹ് വന്നോ ”

” പിന്നെ വരാതെ ” ,
അവൾ അയാളോട് ചേർന്ന് ഇരുന്നു ,മകൻ, വാങ്ങി വന്ന ഓറഞ്ച് ഓരോ അല്ലിയായി കൊടുത്തു.

” അതെ , ഈ തണുപ്പ് കൊണ്ട് ആണോ എന്ന് അറിയില്ല , ചെറുതായി വേദന വരുന്നുണ്ട് , നീ ഡോക്ടറെ ഒന്ന് വിളിക്ക്,”

” ഞാൻ എന്നാൽ വിളിച്ചിട്ട് വരം അച്ഛാ , അത് പറഞ്ഞ മോൻ പോയി

” അതെ , അവൻ ഒന്ന് പോകാൻ നോക്കി ഇരിക്കുവായിരുന്നു ഞാൻ , ദേ നോക്കിക്കേ ,
ഞാൻ എന്താണ് മേടിച്ചത് ഏന് , വലിയ വില ഒന്നുമില്ല , എന്നാലും നിങ്ങൾ പറഞ്ഞ മോതിരം ,, ആ വിരൽ ഒന്ന് തന്നെ ..”

അവൾ അത് പതുക്കെ ഇട്ടു , അമർത്തി ചുംബിച്ചു ,

” ഹഹ , വയസ്സാംകാലത്തു ഒരു റൊമാൻസ് എന്ന് കാണുന്നവർ ഓർക്കും അല്ലെ ഏട്ടാ ”

ഡോക്ടറുമായി മകൻ വന്നിരുന്നു , പൾസ് ആദ്യം നോക്കി

” കുറച്ച കുറവാണു , സിസ്റ്റർ എന്താണെകിലും ICU വിലക്ക് മാറ്റു ”

” എന്താ കുഴപ്പം ? ഞങ്ങൾ ഇപ്പൊ കൂടി സംസാരിച്ചതാണ് ”

കുഴപ്പം ഒന്നും കാണില്ല അമ്മെ , ‘അമ്മ വാ ”

——–

ICU വിന്റെ മുമ്പിലെ ഓരോ നിമിഷങ്ങളും അവൾക്ക് ഒരു യുഗം പോലെ തോന്നി ,

ഡോകട്ർ മകനെ റൂമിലേക്ക് വിളിപ്പിച്ചു ..തിരിച്ചു വന്നപ്പോൾ അവൻ ഒന്നും മിണ്ടുന്നില്ലായിരുന്നു ..കെട്ടി പിടിച്ച അവൻ കരഞ്ഞു , ഒരുപ്പാട്

വെള്ള പുതപ്പിച്ച ഒരു സ്‌ട്രെച്ചറിൽ ഒരാളെ ഞങ്ങളുടെ അടുത്ത കൊണ്ട് വന്നു
, അയാളുടെ കൈയ്യിൽ തിളങ്ങുന്ന ഒരു പുതിയ മോതിരം ഉണ്ടായിരുന്നു ….

സ്നേഹത്തിന്റെ

ഒരിക്കലും നശിക്കാത്ത ഒരു മോതിരം .

Share on facebook
Share on twitter
Share on whatsapp
Share on telegram
0 0 votes
Article Rating
Subscribe
Notify of
guest
0 Comments
Inline Feedbacks
View all comments

About The Author

വോട്ട്!!

“അവറ്റകളുടെ കരച്ചിൽ കേൾക്കാൻ തന്നെ എന്ത് സുഖം…” കേട്ടു കേട്ട് വല്ലാത്ത താല്പര്യം വന്നു മനസ്സിൽ തട്ടി നിൽക്കുന്ന നല്ലൊരു പാട്ട്, ആദ്യ ശബ്ദ കോലാഹലങ്ങൾ എല്ലാം

....
malayalam short story

കറ കളഞ്ഞ സ്നേഹം

ഇത്രയും അന്ധമായി, നിന്റെ ഭർത്താവിനെ സ്നേഹിക്കുന്ന, നീയൊരു വിഡ്ഢിയാണ് ജിയ……. ! അവസരം കിട്ടിയാൽ ഏതൊരു ഭർത്താവും അവനവന്റെ തനി സ്വഭാവം കാണിക്കും….! നമ്മൾ പെണ്ണുങ്ങൾ പാവങ്ങളാണ്,

....

ടീച്ചർ

ടീച്ചർ കണ്ണിലെ കൃഷ്ണമണി പോലെ സൂക്ഷിക്കുകയും സ്നേഹിക്കുകയും ചെയ്യുന്നതാണ് ഭർത്താവായ എബി സാറിനെ, എന്നാൽ ക്ലാസിലെ നൈഷ്മികയാണ് സാറിന്റെ ആ രഹസ്യം ആദ്യം കണ്ടെത്തിയത് അവളതു വന്നു

....

അമ്മയുടെ വിരലുകൾ

ഒരിക്കൽ തമ്മിൽ പിരിഞ്ഞ ശേഷം അച്ഛൻ അമ്മയേ വീണ്ടും സ്വന്തം ജീവിതത്തിലേക്കു തിരിച്ചു വിളിക്കാൻ വന്നിട്ടും അമ്മ അച്ഛനോടൊപ്പം പോകാൻ തയ്യാറായില്ലെന്നു മാത്രമല്ല, അച്ഛനോടെന്തോ വാശിയുള്ളതു പോലെയാണ്

....
malayalam short stories

കാമുകന്റെ_രാത്രിസഞ്ചാരം

“ഇന്ന് രാത്രി വീട്ടിൽ ഞാൻ ഒറ്റക്കാണ്.. പോരുന്നോ..? ” ആ മെസ്സേജ് മൊബൈലിൽ കണ്ടതും വിശ്വാസം വരാതെ ഞാൻ കണ്ണുകൾ ഒന്നൂടെ ചിമ്മിയടച്ചു.. അപ്പോൾ ദാ വരുന്നു

....

നിലംതല്ലി

വടക്ക് ഇവന്റെ പേര് നിലംതല്ലി.. എന്നാൽ തെക്കർക്ക് ഇവൻ കൊട്ടോടി ആണ്.. അതാണ് ഭാഷയുടെ പ്രശ്നം.. ആനയും ഉറുമ്പും പോലെ.. 1980-90 കാലഘട്ടങ്ങൾക്ക് മുൻപ് വരെ വീട്

....