Poems · 1 min read

ചില പെണ്ണുങ്ങൾ

ചില പെണ്ണുങ്ങൾ

വിയർപ്പ് കണങ്ങൾ
ഉമ്മവച്ചൊഴുകുന്ന പിൻകഴുത്ത്.
അഴിഞ്ഞുലഞ്ഞ ഉടയാടകൾ.
താഴേയ്ക്കൂർന്ന മടിക്കുത്തിൽ
മുഷിഞ്ഞ നോട്ടുകൾ
ഒട്ടിയ കവിളുകൾ
വിറയ്ക്കുന്ന കൈകൾ
മങ്ങിയ മൂക്കുത്തിയിൽ
മോഹങ്ങളുറങ്ങുന്നു...!!
നഷ്ടനിദ്രയുടെ പരിഭവത്തിൽ
കുഴിഞ്ഞു താണ കണ്ണുകളെന്തേ
തുളുമ്പി നിറയുന്നൂ...!!
ആരൊക്കെയോ
വെറുതെ ചവച്ചു തുപ്പിയ
കരിമ്പിൻ ചണ്ടി...!!
ഇത് വഴിപിഴച്ചവളുടെ
മെല്ലിച്ച് ഉലഞ്ഞുടഞ്ഞ ഊരല്ലേ; കുലസ്ത്രീയുടെതല്ലല്ലോ...!!

◆

0

Comments

Loading comments…

More from Aarcha Asha

See all

More Poems

See all